Hoppa till huvudinnehåll

Sámigiella

Báktesisgeaidnu galgá viiddiduvvot 2 miilla ođđa luottain ja 11 ođđa stašuvnnain. Dat dárbbahuvvo go Stockholbma stuorru. Álbmot lassána 35 000-40 000 olbmuin jagis. 



Stockholmma leana eanadikkis lea vástu báktesisgeainnu viiddideamis. 

Odenplánas Arenastadenii biggejuvvo ođđa linjá mii čadnojuvvo aktii Ruona linjjáin Odenplánas. Ođđa linjá mii oažžu fiskes ivnni boahtá oažžut golbma stašuvnna: Hagastaden, Arenastaden ja ovtta stašuvnna Hagalundda industriijaguovllus.

Alit linjá galgá biggejuvvot Akallas Barkaby stašuvdnii. Dat ođđa gaska oažžu guokte stašuvnna:Barkabyystaden ja Barkaby stašuvdna. Barkaby stašuvdna šaddá dehálaš ovttastuvvansadji eará oktasaštrafihkii bussiiguin, pendeltogain ja Mälarbánain.

Kungsträdgårdenis guhkiduvvo Alit linjá Nackkai ja söderortii. Linjá juohkasuvvá guovtti suorrái Sofia stašuvnnas: nubbi manná Nacka guovddážii, nubbi čatnasa Hagsätralinjái.

Báktesisgeaidnorádju Högdalenis galgá viiddiduvvot, mii dárbbahuvvo togaid divvumis ja parkeremis.

Dan bottago eanadiggi viiddida báktesisgeainnu bohtet gielddat Järfälla, Nacka, Solna ja Stockholbma bigget 82 000 orohaga dáid ođđa gaskkaid oktavuhtii.

Báktesisgeainnu viiddideapmi lea stuora prošeakta mii boahtá bistit máŋga jagi.

Oktavuohta

Jus dus leat jearaldagat mat gusket báktesisgeainnu viiddideapmái, leage buorre ja váldde oktavuođa minguin. Dus lea riekti geavahit iežat giela. Sádde millosit e-poastadieđáhusa oktavuođadieđuiguin registrator.fut@sll.se Mii máhccat áššái dulkavehkiin.