Hoppa till huvudinnehåll

Romani čhib

I Tunelbana ka barakerel pe 20 kilometre neve šinencar thaj 11 neve stanicencar. Odova trebela odoleske/ando kodo so o Stockholm bajrol. E manušengi cifra bajrola 35 000 - 40 000 manuša ko berš. 


I Tunelbana ka barakerel pe 20 kilometre neve šinencar thaj 11 neve stanicencar. Odova trebela odoleske/ando kodo so o Stockholm bajrol. E manušengi cifra bajrola 35 000 - 40 000 manuša ko berš. 

E Stockholmesko provincijakoro landsting si le responzibiliteti te  barakerel  e Tunelbana.

Kerel pe jek nevi linija kotar o  Odenplan dži ki Arenastaden  so phandel pe e Zeleno liniaja ko Odenplan. E neve linija si te ovel žuto/galbeno kolori thaj si te ovel la trin stanica: Hagastaden, Arenastaden thaj jek stanica ko Hagalundeskoro industrikano than.

I plavo linija ka barakerel pe kotar i Akalla dži ki Barkarby stanica. Odole neve linija si te ovel duj neve stanice: Barkarbystaden thaj Barkarby stanica. I Barkarby stanica si te ovel jek važno phanibaskoro than e avere kolektivikane transporteske  aftobuzencar, pendelvozea thaj o Mälarbanan.

Kotar o  Kungsträdgården i plavo linija si te barakerel pe kori Nacka thaj  ko söderort. Akaja linija si te ulavel pe ko duj riga ki stanica Sofia: jek ka džal ki Nacka centri, i javer ka phandel pe ki Hagsätra linija.

E tunelbanakoro deponi si te barakerel pe, odova ka trebel te šaj te resen andre o vagonija.

Kana o landstinget ka barakerel e tunelbana, o komune Järfälla, Nacka, Solna thaj Stockholm ka keren neve  82 000 bešibaskere khera/stanija paše ko akala neve linije. 

E tunelbanakoro barakeribe i baro projekti thaj ka kerel pe buti but berša.

Kontakti

Si tut te puče diso/variso kana i ko pučibe e tunelbanako barakeribe – kontaktirin amen. Tut si tu pravo te koristine/užis tiri čhib. Tu šaj bičhale jek e-pošta tire kontaktiribask  informaciasa ko registrator.fut@sll.se.  Amen šaj te kontaktirina tut tumačeja/tumačesa.