Hoppa till huvudinnehåll

Meänkieli

Tynnelbaanan piethään laajentaa. Se tullee saamhaan 20 kilometria uutta rälsiä ja 11 uutta asemaa. Laajeneminen tarvithaan koska Stockholmi kasuaa. Väestö lissäintyy 35 000-40 000 ihmistä vuessa.


Stockholmin läänin maakäräjillä on vastuu tynnelbaanan laajentamisesta.

Odenplaanista Arenastadhiin rakenethaan uusi linja mikä siothaan yhtheen Vihreänlinjan kanssa Odenplaanissa. Uusi linja saapi keltasen färin ja tullee saamhaan kolme asemaa: Hagastaden, Arenastaden ja yhen aseman Hagalundin teolisuusalueela.

Sininen linja laajenethaan Akallasta Barkabyn asemhaan. Uusi pätkä saapi kaksi asemaa: Barkabystaden ja Barkaby. Barkabyn asema tullee olemhaan tärkeä yhtymäkohta byssin, pendeljunan ja Mälarbaanan kollektiiviliikenelle.

Kungsträdgårdenista pitenethään Sininen linja Nackhaan ja södertörnhiin. Linja jakkaintuu kahtheen oshaan Sofia asemala: toinen mennee Nackan sentrymhiin ja toinen liittyy Hagsätralinjhaan.

Junaversta ja -säilytys Högdalenissa piethään laajentaa. Sen tartethaan junitten korjaamisheen ja seisottamisheen.

Ko maakäräjät laajentavat tynnelbaanaa tulevat Järfällan, Nackan, Solnan ja Stockholmin kunnat rakentamhaan 82 000 asuntoa uusitten matkoitten ympäristössä.

Tynnelbaanan laajentaminen on iso prusjekti mikä tullee kestämhään monta vuotta.

Kontaktitietoja

Ota mielhään kontaktia meitten kans, jos sulla on kysymyksiä mikkä koskevat tynnelbaanan laajentamista. Sulla on oikeus käyttää ommaa kieltä. Lähetä mielelhään sähköpostipreivin yhteystiethoon registrator.fut@sll.se. Me vastaama asihaan tulkin avula.